පංචකර්ම යනු කුමක්ද .........
අද අප තොරතුරු සොයා බලන්නේ ආයුර්වේදයේ එන එක් සුවිශේෂී ප්රතිකාර ක්රමයක් පිළිබඳව .
ඒ පංචකර්ම චිකිත්සාව පංචකර්ම ලෙස වර්තමානයේ බොහෝ දෙනෙක් හඳුනාගෙන තිබෙන්නේ නිවැරදි පංචකර්ම ප්රතිකාර ක්රම නොවේ. ඒ නිසා නිවැරදි පංචකර්ම යනු කුමක්ද යන්න විමසා බැලීම වැදගත්.
ආයුර්වේද වෛද්යවරයකු වෙත කිසියම් රෝගියෙක් පැමිණි විට රෝගියාගේ තත්ත්වය පරීක්ෂා කර බලා එම රෝගයට අනුව බොන බෙහෙත්, ආලේපන වර්ග නියම කරනු ලබනවා.
පංචකර්ම යනු විශේෂිත රෝග අවස්ථාවලදී සහ රෝග වලින් වැළකී සිටීම සඳහා යොදා ගත හැකි චිකිත්සා ක්රමයක එක් කොටසක්. මෙම චිකිත්සා ක්රමය ප්රධාන වශයෙන් කොටස් 3 කට බෙදනවා.
ඒ, පූර්ව කර්ම, ප්රධාන කර්ම සහ පශ්චාත් කර්ම වශයෙන්. මෙහිදී පූර්ව කර්ම ලෙස හැඳින්වෙන කොටස තවත් කොටස් දෙකකට බෙදෙනවා. ඒ “ස්නික්ධ “ සහ “ ස්වේධ” වශයෙන්.
“ පංචකර්ම” අයත්වන්නේ ප්රධාන කර්ම කොටසට . ඉහත කී චිකිත්සා ක්රමයේදී පංචකර්ම වලට ලක්කිරීමෙන් පසුව රෝගියා මුලින් සිටි තත්ත්වයට ගෙන ඒම පශ්චාත් කර්ම ලෙස හැඳින්වෙනවා.
මෙම චිකිත්සා ක්රමය රෝග වැළැක්වීම සඳහාත් රෝග සුව කිරීම සඳහාත් යොදා ගත හැකියි.
විශේෂයෙන්ම රෝග ඇතිවීම වළක්වා ගැනීමට , ශරීරය රෝග වලට ඔරොත්තු දෙන ආකාරයෙන් සකසා ගැනීමට උපකාරී වන ප්රතිකාර ක්රමයක් ලෙස පංචකර්ම ප්රතිකාර හැඳින්විය හැකියි.
මුලින්ම අප පූර්ව කර්ම වලට එන ‘ස්නික්ධ’ සහ ‘ ස්වේධ’ යනුවෙන් දැක්වෙන කරුණු පිළිබඳව තොරතුරු සොයා බලමු.
‘ස්නික්ධ කර්ම ‘ යනු තෙල් ආලේප කිරීමයි. මෙහිදී විවිධ ක්රමවලට තෙල් ආලේප කරනු ලබනවා.
එමෙන්ම තෙල් ආලේපකර විවිධ ඖෂධ පොට්ටනි වලින් ශරීරය තැවීම සම්භාහනය කිරීම ස්නික්ධ යටතට ගැනෙනවා.
ස්වේධ කිරීම යනු දහදිය පිටවීමට සැලැස්වීමයි. ඒ සඳහා විවිධ ක්රමවලට රෝගියාට දුම් අල්ලනවා.
දුම් ඇල්ලීම සඳහා යොදා ගන්නේ විවිධ ඖෂධ වර්ග . ස්නික්ධ කිරීම මගින් බලාපොරොත්තු වන්නේ යම් රෝගියකුගේ ශරීරයේ ඇති විෂ ද්රව්යයයන්, අපද්රව්යයයන් මෙන්ම සෙම් කොටස් ඒවා බැඳි ඇති ස්ථාන වලින් බුරුල් කර ගැනීමයි.
‘ස්වේධ ‘ කිරිම මගින් ශරීරයේ විවිධ ස්ථානවල ඝනවී ඇති එම අප ද්රව්ය ලිහිල් තත්ත්වයකට මෙන්ම ගලායාමේ ස්වභාවයකට පත් කර ගනු ලබනවා.
පුර්ව කර්ම වලට අයත්වන මෙම ‘ස්නික්ධ’ කිරීම සහ ‘ ස්වේධ කිරීම’ ප්රධාන කර්ම වලට පහසුවක් වෙනවා.
‘ස්නික්ධ ‘කිරීමේදී තෙල් වර්ග කසාය වර්ග මෙන්ම කිරිවැනි ද්රව්ය ද භාවිතා වෙනවා.
ස්වේධ කිරීමේදී කිරිබත් සහිත පොට්ටනිවලින් තැවීමද රස්නය සහිත ස්ථානවල රඳවා තැබීම ද සිදුවෙනවා.
දැන් අපි “ ප්රධාන කර්ම “ පිළිබඳ තොරතුරු සොයා බලමු. ප්රධාන කර්ම යටතට චිකිත්සා ක්රම පහක් අයත් වෙනවා. පංචකර්ම ලෙස හැඳින්වෙන්නේ එම ක්රම පහයි. නස්ය කර්ම , වමන කර්ම, විරේචන කර්ම, වස්ති කර්ම සහ රක්ත මෝක්ෂණ කර්ම .
දැන් අපි පංචකර්ම යටතේ ඇති නස්ය කර්ම පිළිබඳව අවධානය යොමු කරමු. නස්ය කිරීමෙන් බලාපොරොත්තු වන්නේ හිස ආශි්රත ප්රදේශයේ පවතින්නා වු දෝෂ බැහැර කිරීමයි. නස්ය කිරීම ඉතා පරීක්ෂාකාරීව සහ නිවැරදිව කළ යුතුයි.
නස්ය කිරීමෙන් හිසේ හටගන්නා වු බොහෝ රෝග සුවකර ගත හැකියි. අපගේ හිස ආශි්රතව විශාල ස්වෝතස් ප්රමාණයක් තිබෙනවා. රුධිර නාල, ස්නායු අධික ලෙස හිස ආශි්රතව පිහිටන අතර කන් සිඳුරු, නාස් සිඳුරු, ඇස්, මුඛය සහ මොළය පිහිටන්නේත් හිස ආශ්රිතවයි.
මෙම ප්රදේශය ඉක්මනින් දූෂ්ය විය හැකියි. නස්ය කර්මය සඳහා ගනු ලබන ඖෂධ , නස්ය කර්මය කරනු ලබන ආකාරය ඒ ඒ රෝගියාගේ රෝග තත්ත්වය, ශරීර ස්වභාවය අනුව වෙනස් වෙනවා.
මුඛය ආශි්රතව නාසය ආශි්රතව විශේෂයෙන්ම කන් ඇසීම සම්බන්ධව ඇතිවන රෝග, නින්ද නොයාම , ඉරුවාරදය, අකලට හිස කෙස් පැසීම, හිස් කෙස් වැටීම , පීනස වැනි රෝගාබාධයන්ගෙන් මිදීමට සහ වැළැකී සිටීමට නස්ය කර්මය උපකාරී වෙනවා.
එසේම සමේ ඇතිවන වෙනස්කම් සම දුර්වර්ණ වීම, (යම් යම් ආසාදන තත්ත්වයන් වැනි ) ආදියත් නස්ය කර්ම මගින් සුව කර ගත හැකියි. වළක්වා ගත හැකියි. හොඳින් පෙනෙන, හොඳින් ඇසෙන , හොඳින් ගඳ සුවඳ දැනෙන තත්ත්වයක් ඇති කර ගැනීමට නස්ය කර්මය උපකාරී වෙනවා.
පංච කර්මයට ඇතුළත් මීළඟ අංගය වන්නේ වමන කර්මයයි. මෙයින් බලාපොරොත්තු වන්නේ අපගේ ශරීරයේ උරස් කුහරයේ ඇති දූෂිත සෙම සහ වෙනත් අපද්රව්ය බැහැර කිරීමයි.
වමන කර්මයක් කිරීමට සූදානම් වීමේදීත් “ පූර්ව කර්ම “ කළ යුතුයි.
එසේම වමන කර්ම කිරීමට පෙර රෝගියාගේ ශරීරයේ සෙම වර්ධනය කළ යුතුයි. වර්තමානයේ දී එක් දිනකින් වමන කර්මය කළත් එයින් නිවැරදි ප්රතිඵල ලැබෙන්නේ නෑ. වමන කර්මය සඳහා රෝගියා නේවාසිකව දින 7 ක් තබාගෙන සෙම වඩන ආහාර දිය යුතුයි.
වමන කර්මය මගින් ශරීරයේ දෝෂ රැසක්ම පහව යනවා. වමන කර්මය සෑම පුද්ගලයකුටම සුදුසු වන්නේ නෑ.
වයස්ගත උදවිය, කුඩා ළමයින් ගර්භනී මව්වරුන් සහ හෘදරෝග අධිරුධිර පීඩනය වැනි රෝගාබාධ වලින් පෙළෙන අය සඳහා වමන කර්මය සුදුසු වන්නේ නෑ.
වමන කර්මයක් මගින් අපගේ ශරීරයට ප්රතිලාභ රැසක්ම ලබාගත හැකියි.උරස් කුහරය තුළ තිබෙන අක්මාව, ප්ලීහාව, අග්න්යාසය , පෙනහලු , හෘදය වැනි ශරීරයේ ප්රධාන අවයවයන් ශක්තිමත් වීමට වමන කර්මය උපකාර වෙනවා.
විශේෂයෙන්ම පෙනහලුවල තිබෙන දූෂිත කොටස් මේ මගින් බැහැර වෙනවා. සමේ ඇති දූෂිත ද්රව්ය බැහැර වී දීප්තිමත් සමක් ඇතිවීමට ද වමන කර්මය උපකාරී වෙනවා.
පංච කර්ම වල එන මීළඟ අංගය වන්නේ විරේචන කර්මයයි.
මෙයින් බලාපොරොත්තු වන්නේ උදරයේ ඉහළ ප්රදේශය ආශි්රතව තිබෙන දූෂ්ය කොටස් බැහැර කිරීමයි. මෙහිදී විශේෂයෙන්ම කුඩා සහ මහ අනුත්රවල තිබෙන අපද්රව්ය බැහැර වෙනවා.
හොඳින් ආහාර ජීර්ණයවීමට සහ අවශෝෂණය කර ගැනීමට ශරීරය සකස් කර ගැනීම සඳහා විරේචන කර්මය ඉතා ප්රයෝජනවත් .
මීළඟ ප්රධාන කර්මය වන්නේ “වස්ති කර්මය”යි. ඒ සඳහා ගුද මාර්ගයෙන් යම් යම් ඖෂධ ශරීරයට ඇතුළු කරනවා. එමගින් ශරීරයේ එම ප්රදේශයේ තිබෙන දෝෂ බැහැර කරගත හැකියි.
අංශභාග රෝගීන් සඳහාත් ස්නායු ආබාධ සහිත රෝගීන් සඳහාත් “ වස්ති කර්ම” වලින් හොඳ ප්රතිඵල ලබාගත හැකියි.
මුළු ශරීරය උද්දීපනය කිරීමේ හැකියාවක් “ වස්ති කර්ම “ සතුයි. සමේ හටගන්නා කුෂ්ට , වන, දද, වැනි රෝග සුවපත් කොට දීප්තිමත් සමක් ඇත
Ela
ReplyDelete